Torres: Nuk kam probleme me Aragonesin

Fernando Torres ka mohuar spekulimet e shtypit se ai ishte hidhëruar me Luis Aragones pas zëvendësimit në ndeshjen kundër Rusisë, duke thënë se ai kurrë nuk ka pasur ndonjë problem me trajnerin e Spanjës.
“Nuk ka asnjë problem. Unë kam biseduar me trajnerin dhe e di se ka qenë vetëm një ndërrim i zakonshëm. Nuk kam asnjë telashe me të. Është e turpshme që shtypi i ka dhënë kaq shumë rëndësi ndërrimit tim, kur Spanja ka fituar 4-1”.

“Rregullat të cilat mi ka mësuar Luis që kur isha 16 vjeçar vlejnë edhe tani. Çka thuhet në dhomat e zhveshjes mbetet aty. Kurrë nuk do të kisha bërë ndonjë gjest të keq ndaj trajnerit, sepse e gjithë skuadra e mbështesim atë”, ka shpjeguar Torres.