Van Basten: Presioni është mbi Francën

Trajneri holandez Marco van Basten, ka thënë se presioni i ndeshjes së sotme do të bie mbi kundërshtarin, Francën, që ka nevojë për një rezultat pozitiv për të mbajtur gjallë shpresat për kualifikim në çerekfinale të Euro 2008.
Francezët u frenuan me barazim pa gola në ndeshjen e parë kundër Rumanisë, derisa holandezët arritën të mposhtin kampionin e botës, me një rezultat befasues prej 3-0.

“Nëse ndonjëri ekip duhet të sulmojë është Franca. Ne tashmë kemi një ndeshje të fituar, andaj edhe presioni është mbi ta”, ka thënë van Basten, i cili do ta ketë të gatshëm për ndeshjen e sotme edhe anësorin e Real Madridit, Arjen Robben.

“Ne e dimë çfarë duhet të bëjmë dhe do të përpiqemi të tregojmë më të mirën për të arritur te trepikëshi. Personalisht shpresoj për një paraqitje të shkëlqyeshme franceze, por mbase nuk mund të parashikoj asgjë”, ka thënë trajneri i Francës, Raymond Domenech.